അപരിചിതമായ ഒരു സ്ഥലത്തേക്ക് പോകുമ്പോള് സുരക്ഷിതമായി താമസിക്കാന് ഒരിടമാണ് എല്ലാവരും ആഗ്രഹിക്കുന്നത്. പക്ഷേ കയ്യില് ഒതുങ്ങുന്നതും ബജറ്റിനിണങ്ങുന്നതുമായ ഒരു താമസ സ്ഥലം കിട്ടാനാണ് ബുദ്ധിമുട്ട്. ശരിയായി വീട് തിരഞ്ഞെടുക്കാന് സഹായിക്കുന്ന ചില ടിപ്സുകള് ഇതാ…
ജോലിസ്ഥലം കുട്ടികളുടെ സ്കൂള് ഇവയുടെയൊക്കെ ഏകദേശം അടുത്തുള്ളതും ആശുപത്രി സൗകര്യം, വാഹന സൗകര്യം ,സാധനങ്ങള് വാങ്ങാനുള്ള കടകള് ഇങ്ങനെയുള്ള അടിസ്ഥാന സൗകര്യങ്ങള് ഉള്ള ഏരിയ വേണം താമസത്തിനായി തിരഞ്ഞെടുക്കാന്.
സുരക്ഷിതമായ ഇടം
വീട് തിരഞ്ഞെടുക്കുന്ന സ്ഥലത്തിന്റെ സുരക്ഷ വളരെ പ്രധാനമാണ്. ചുറ്റുപാടുള്ള താമസക്കാര്, രാത്രിയാത്ര, മറ്റ് തരത്തിലുള്ള സുരക്ഷ ഇവയൊക്കെ അന്വേഷിക്കേണ്ടതാണ്.
കൈവശമുള്ള ബജറ്റ്
ലഭിക്കുന്ന വരുമാനവും വീട്ടുവാടകയും ഒത്തുനോക്കേണ്ടത് പ്രധാനമാണ്. വാടക ശമ്പളത്തിന്റെ 25-30 ശതമാനം ആയി നിലനിര്ത്താന് ശ്രദ്ധിക്കുക. താമസത്തിന് മുന്പ് നല്കേണ്ട അഡ്വാന്സ്, മറ്റ് ചിലവുകള് ഇവ കണക്കുകൂട്ടുക. നല്ല ഒരു ബ്രോക്കറെ കണ്ടുപിടിച്ചാല് അവര്ക്ക് നിങ്ങളെ സഹായിക്കാന് കഴിയും.
വാടക കരാര്
പരിചയമില്ലാത്ത സ്ഥലത്ത് താമസം തുടങ്ങുന്നകതിന് നിയമപരമായ ചില സുരക്ഷയും കൂടി നോക്കേണ്ടതുണ്ട്. വീട് വാടകയ്ക്ക് എടുക്കുമ്പോള് വാടക കരാര് ഉണ്ടോ എന്ന് നോക്കുക. വാടകയുടെ നിരക്ക്, കാലയളവ്, ബന്ധപ്പെട്ട വ്യവസ്ഥകള് എന്നിവയൊക്കെ അതില് വ്യക്തമായി രേഖപ്പെടുത്തണം.ഇത് ഭാവിയില് പ്രശ്നങ്ങള് ഉണ്ടാകാതെ തടയും.
വസ്തു വാടകയ്ക്ക് കൊടുക്കുക എന്നത് വളരെ ശ്രദ്ധിക്കേണ്ട കാര്യമാണ്. ശരിയായി കൈകാര്യം ചെയ്താല് സ്ഥിരമായ വരുമാനം ഉണ്ടാക്കാന് കഴിയുന്ന ഒരു കാര്യം കൂടിയാണിത്. എന്നാല് ഇങ്ങനെ ഒരു തീരുമാനം എടുക്കുന്നതിന് മുമ്പ് നിയമപരമായ നടപടിക്രമങ്ങള് ശ്രദ്ധിക്കേണ്ടത് വളരെ പ്രധാനമാണ്.അതോടൊപ്പം മറ്റ് ചില കാര്യങ്ങള്ക്ക് കൂടി പ്രാധാന്യം നല്കേണ്ടതുണ്ട്.
വീട്ടിലെ സൗകര്യങ്ങള്
വാടകയ്ക്ക് നല്കുന്ന വീട് സുഖകരവും, സുരക്ഷിതവും അടിസ്ഥാന സൗകര്യങ്ങള് ഉള്ളവയും ആയിരിക്കണം. ഇലക്ട്രിക്കല് വയറിംഗ്, പ്ലംബിങ് സംവിധാനങ്ങള് ശരിയായി പ്രവര്ത്തിക്കുന്നുണ്ടോ എന്ന് ശ്രദ്ധിക്കേണ്ടതുണ്ട്. അതോടൊപ്പം ഗ്യാസ് കണക്ഷന്, വീടിന് ഈര്പ്പവും ചോര്ച്ചയും ഉണ്ടോ തുടങ്ങിയ കാര്യങ്ങള് ശ്രദ്ധിക്കുക.
വാടകക്കാരന്റെയും പൊലീസിന്റെയും സ്ഥിരീകരണം
വാടകക്കാര് അപരിചിതരാണ് അതുകൊണ്ട് വീട് വാടകയ്ക്ക് നല്കുന്നതിന് മുന്പ് ശരിയായ പരിശോധന നടത്തേണ്ടതുണ്ട്. വാടകക്കാരന്റെ ഐഡി കാര്ഡുകള് പരിശോധിക്കുക, പൊലീസ് വേരിഫിക്കേഷന് നടത്തുക, അവരുടെ ജോലി, മുന്വാടക ചരിത്രം ഇവയൊക്കെ പരിശോധിക്കേണ്ടതാണ്.
വാടക കരാര് തയ്യാറാക്കുക
നിയമപരമായ ഒരു രേഖയായി വാടക കരാര് തയ്യാറാക്കേണ്ടതുണ്ട്. ഇത്തരത്തില് രേഖാമൂലമുളള കരാര് വാടകക്കാരനും ഉടമയുമായുള്ള ബന്ധത്തിന്റെ തെളിവും അടിത്തറയുമാണ്. പ്രതിമാസ വാടക, സുരക്ഷാതുക, അവസാന തീയതി, പിഴ എന്നിവ കരാറില് വ്യക്തമായി പരാമര്ശിക്കേണ്ടതുണ്ട്.
സാമ്പത്തിക വശങ്ങള് കൈകാര്യം ചെയ്യുക
സാമ്പത്തിക കാര്യങ്ങള് വ്യവസ്ഥാപിതമായി കൈകാര്യം ചെയ്യേണ്ടതും പ്രധാനമാണ്. ആരോഗ്യകരമായ വാടക ക്രമീകരണം നിലനിര്ത്താന് ഇത് സഹായിക്കുന്നു. ഒരു സെക്യൂരിറ്റി ഡെപ്പോസിറ്റ് ശേഖരിക്കുകയും ഒരു രസീത് സഹിതം സ്വീകരിക്കുകയും വേണം. ഓരോ പേമെന്റിനും ഭൂവുടമകള് വാടകരസീതുകള് നല്കണം. യൂട്ടിലിറ്റി ബില്ലുകള്, അറ്റകുറ്റപണി ചാര്ജുകള് എന്നിവയ്ക്കുളള വ്യക്തമായ മാര്ഗനിര്ദ്ദേശങ്ങള് തുടക്കം മുതല് സ്ഥാപിക്കണം.
Content Highlights :What are the things to consider when renting a house to someone or looking for a rental house?